اسلام آباد ( پاک ترک نیوز) ملک میں مائع گیس ایل پی جی بحران کا خدشہ ہے ،ایل پی جی درآمدکندگان نے حکومت کو خط لکھ کرآگاہ کر دیا ۔
خط میں لکھا گیا ہے کہ حکومت نے فوری مداخلت نہ کی تو آئندہ دو سے تین روز میں بحران کا خدشہ ہے ، ایل پی جی ایمپورٹر ایسوسی ایشن نے قیمتوں کے تعین کے طریقہ کار تحفظات کا اظہار کیا ہے۔
خط کے مطابق اوگرا کی جانب سے 30 جون 2026 کو مقرر کی گئی ایل پی جی کی قیمت درآمدی گیس کی حقیقی لینڈڈ لاگت کی درست عکاسی نہیں کرتی ۔
یہ بھی پڑھیں: سوئی سدرن گیس کمپنی میں مالی اور انتظامی بدعنوانیوں کا انکشاف
خط کے مطابق قیمتوں میں بندرگاہ پر ہینڈلنگ فیس، اندرونِ ملک نقل و حمل، مالیاتی اخراجات ، مقررہ فروخت قیمت سے کہیں زیادہ ہوچکے ہیں ، درآممد کنندگان کو ہر کارگو پر بھاری مالی نقصان برداشت کرنا پڑ رہا ہے۔
خط میں کہا گیا قیمتوں کے موجودہ طریقہ کار میں تبدیلی نہ کی گئی تو مزید درآمدی ٹرمینلز اور ایل پی جی تنصیبات بند ہوسکتی ہیں، جس سے ملک بھر میں بلا تعطل فراہمی خطرے میں پڑ جائے گی۔
