اسلام آباد ( پاک ترک نیوز) انسداددہشت گردی عدالت اسلام آباد میں بانی پی ٹی آئی ودیگر کیخلاف جوڈیشل کمپلیکس حملہ کیس کی سماعت ہوئی ،انسداددہشت گردی عدالت کے جج طاہر عباس سپرا نے کیس پر سماعت کی۔
سابق وزیر اعلیٰ پرویز الہی کی جانب سے حاضری سے استنی کی درخواست دائر دی گئی جس پر عدالت نے پرویز الہٰی کی غیر حاضری پر برہمی کا اظہار کیا ہے۔
جج طاہر عباس سپرا نے ریمارکس دیئے پرویز الہی ہر جگہ پیش ہو رہے ہیں ،ہماری عدالت کی دفعہ بیمار ہو جاتے ہیں ، پرویز الہی صاحب ہماری عدالت میں کیوں پیش نہیں ہورہے۔
جج نے مزید ریمارکس دیئے میں اس پر میڈیکل بورڈ بنواتا ہوں جو رپورٹ دے کہ پرویز الہی بیمار ہے بھی یا نہیں، معاون وکیل نے استدعا کی کہ عدالت ایک موقع دے اگلی پیشی پر پرویز الہی پیش ہوں گے۔
عدالت نے معاون وکیل کی یقین دہانی پر کیس کی سماعت ملتوی کر دی ،بانی پی ٹی آئی ودیگر کیخلاف کیس کی سماعت 22 جولائی تک ملتوی کردی گئی،پی ٹی آئی راہنماوں کیخلاف تھانہ سی ٹی ڈی میں مقدمہ درج ہے۔
