اسلام آباد(پاک ترک نیوز) مقدمات کے جلد فیصلوں کے لیے چیف جسٹس وفاقی آئینی عدالت امین الدین خان نے اہم اقدام کرتے ہوئے کمرہ عدالت میں وقت کی پابندی کے لیے اسٹاپ واچ لگوا دی۔چیف جسٹس امین الدین خان کے مطابق ہر وکیل کو دلائل دینے کے لیے صرف 10 منٹ کا وقت دیا جائے گا۔عدالت میں مقررہ 10 منٹ مکمل ہوتے ہی اسٹاپ واچ کی گھنٹی بجنا شروع ہوجائے گی، جس سے وکیل کو اپنے دلائل کا وقت ختم ہونے کا اشارہ ملے گا۔
چیف جسٹس امین الدین خان کا کہنا ہے کہ وکلا کے دلائل کے وقت کا تعین کرنے سے مقدمات کی سماعت زیادہ منظم ہوگی اور مقدمات کے جلد فیصلوں میں مدد ملے گی۔
یہ بھی پڑھیں: لانگ مارچ روکنے کی تیاریاں، اسلام آباد اور راولپنڈی سیل ،کئی تعلیمی ادارے بھی بند
