کراچی (پاک ترک نیوز)پاکستان پیپلز پارٹی کے چیئرمین بلاول بھٹو زرداری نے میر علی اور اورکزئی میں سکیورٹی فورسز کے کامیاب آپریشنز کو سراہتے ہوئے جوانوں کو خراجِ تحسین پیش کیا ہے۔
بلاول بھٹو زرداری کا کہنا ہے کہ بھارتی پراکسی دہشت گردوں کے خلاف سکیورٹی فورسز کی کامیاب کارروائیاں قابلِ تحسین ہیں، دہشت گردی کے خلاف جنگ میں حاصل ہونے والی کامیابیاں قومی عزم اور حوصلے کی عکاس ہیں۔
انہوں نے کہا کہ قومی سلامتی اور ملکی استحکام کے لیے دہشت گرد نیٹ ورکس کا مکمل خاتمہ ضروری ہے۔
یہ بھی پڑھیں: اسحاق ڈار کی زیر صدارت اجلاس ، کفایت شعاری اور بچت کے اقدامات پر عمل درآمد کا جائزہ
پیپلز پارٹی چیئرمین کے مطابق ملک میں امن کے قیام اور شہریوں کے تحفظ کے لیے سکیورٹی فورسز کی قربانیاں پوری قوم کے لیے باعثِ فخر ہیں۔
بلاول بھٹو زرداری نے مزید کہا کہ دہشت گردوں کے مذموم عزائم ناکام بنانے کے لیے قومی اتحاد اور یکجہتی ناگزیر ہے۔
