اسلام آباد(پاک ترک نیوز)وزیراعظم شہباز شریف نے کوئٹہ کے علاقے کرم میں کامیاب انٹیلی جنس بیسڈ آپریشن پر سیکیورٹی فورسز کو مبارکباد دیتے ہوئے 31 دہشت گردوں کی ہلاکت پر افواج کی پیشہ ورانہ مہارت اور جرات کو سراہا ہے۔
وزیراعظم کے مطابق آپریشن کے دوران بھارتی سرپرستی میں سرگرم فتنہ الخوارج اور فتنہ الہندوستان کے 31 دہشت گردوں کو ہلاک کیا گیا، جبکہ دہشت گردوں کے متعدد ٹھکانے بھی مؤثر انداز میں تباہ کیے گئے۔
شہباز شریف نے آپریشن کے دوران بھاری مقدار میں اسلحہ، گولہ بارود اور دھماکا خیز مواد برآمد کرنے پر بھی سیکیورٹی فورسز کی کارکردگی کو سراہا۔
وزیراعظم کا کہنا تھا کہ سیکیورٹی فورسز ملک دشمن عناصر کے ناپاک عزائم ناکام بنانے کے لیے دن رات مصروفِ عمل ہیں۔
یہ بھی پڑھیں: کوئٹہ میں سیکیورٹی فورسز کا بڑا آپریشن، بھارتی سرپرستی میں سرگرم 31 دہشت گرد ہلاک
انہوں نے واضح کیا کہ غیر ملکی سرپرستی میں ہونے والی دہشت گردی کے مکمل خاتمے تک جنگ پوری قوت سے جاری رہے گی۔
شہباز شریف کے مطابق نیشنل ایکشن پلان کے تحت ملک سے دہشت گردی کے خاتمے کے لیے تمام وسائل بروئے کار لائے جا رہے ہیں۔
