مظفر آباد ( پاک ترک نیوز) آزاد کشمیر کے قائم مقام صدر اور و سپیکر اسمبلی چودھری لطیف اکبر کے کاغذاتِ نامزدگی مسترد کر دیئے گئے ،حلقہ کھاوڑا کے ریٹرننگ آفیسر سردار غضنفر کی جانب سے محفوظ شدہ فیصلہ سنا دیا گیا۔
حلقہ کھاوڑہ سے امیدوار راجہ محمد بشیر خان کی جانب سے کاغذات نامزدگی پر اعتراض دائر کیا گیا تھا،راجہ محمد بشیر خان کی جانب سے راجہ گل مجید ایڈووکیٹ و دیگر نے نے دلائل دیئے ،اعتراضات پر سماعت مکمل ہونے کے بعد ریٹرننگ آفیسر سردار غضنفر نے فیصلہ محفوظ کیا تھا۔
یہ بھی پڑھیں: اسلام آباد مفاہمتی یادداشت امریکا کی شکست کا اعلان ہے، باقر قالیباف
ریٹرننگ آفیسر نے محفوظ شدہ فیصلہ سناتے ہوئے چوہدری لطیف اکبر کے کاغذات نامزدگی مسترد کر دیئے ،قائم مقام صدر آزاد کشمیر چوہدری لطیف اکبر کاغذات نامزدگی منظور نہ ہونے کی وجہ سے انتخابی دوڑ سے باہر ہو گئے۔
یہ بھی پڑھیں:قومی اسمبلی میں وزیراعظم اور مولانا فضل الرحمان میں دلچسپ مکالمہ
ریٹرننگ آفیسر کے فیصلے کے بعد قانونی و انتخابی آپشنز پر غور شروع کر دیا گیا حلقہ کھاوڑا سے مسلم لیگ ن کے رہنما راجہ ثاقب مجید نے اپنے سیاسی حریف کے کاغذات مسترد ہونے پر افسوس کا اظہار کر دیا
راجہ ثاقب مجید نے کہا چودھری لطیف اکبر میدان میں ہوتے تو مقابلہ اچھا ہوتا ان کو کاغدات جمع کروانے سے پہلے جائزہ لینا چاہیئے تھا۔
