پاکستان کا دوسری اننگز میں زیادہ سے زیادہ سکور کیا؟

لاہور( پاک ترک نیوز) پاکستان اوربنگلہ دیش کے درمیان دوسرا ٹیسٹ میچ جاری ہے جہاں شاہینوں کو جیت کیلئے 437رنز درکار ہیں ۔
اس سے قبل پاکستان دوسری اننگز میں 450رنز بھی سکور کر چکا ہے تاہم پاکستان یہ میچ جیتنے میں کامیاب نہیں ہو سکا تھا۔
2016میں برسبین میں آسٹریلیا کیخلاف کھیلے گئے ٹیسٹ میچ میں شاہینوں نے دوسری اننگز میں 450رنز سکور کئے تھے تاہم وہ شکست سے نہیں بچ سکے تھے ۔
آسٹریلیا نے پہلی اننگز میں 429رنز سکور کئے تھے جس کے جواب میں پاکستانی ٹیم 142رنز پر ہی ڈھیر ہو گئی تھی ۔ آسٹریلیا نے دوسری اننگز 202رنز پانچ کھلاڑیوں کے نقصان پر ڈیکلیئر کردی تھی جہاں پاکستان کو جیت کیلئے 489رنز کا ٹارگٹ ملا تاہم پاکستانی ٹیم 450بنا کر آئوٹ ہوگئی ۔پاکستان کی جانب سے اسد شفیق نے 137رنز کی اننگز کھیلی تھی ۔
2022میں بھی پاکستانی ٹیم دوسری اننگز میں 443رنز بنا سکی تھی تاہم یہ میچ ڈرا ہو گیا تھا دلچسپ امر یہ ہے کہ یہ میچ بھی آسٹریلیا کیخلاف تھا ۔
انگلینڈ دوسری اننگز میں سب سے زیادہ سکور کرنے ٹیم ہے جس نے 1939میں جنوبی افریقہ کیخلاف اپنی دوسری اننگز میں 654رنز سکور کئے تھے تاہم یہ میچ بھی ڈرا ہو گیا تھا ۔