لاہور( پاک ترک نیوز) ٹیسٹ کرکٹ کی 150ویں سالگرہ کے موقع پر آسٹریلیا اور انگلینڈ کے درمیان تاریخی ٹیسٹ میچ کھیلا جائے گا، جس میں شرکت کے لیے پاکستان کے تین سابق کپتانوں ظہیر عباس، وسیم اکرم اور وقار یونس کو بھی مدعو کیا گیا ہے۔ذرائع کے مطابق کرکٹ آسٹریلیا نے تینوں سابق پاکستانی کپتانوں کو آئندہ برس ہونے والی خصوصی تقریب میں شرکت کی دعوت دی ہے۔ٹیسٹ کرکٹ کی ڈیڑھ سو سالہ تاریخ کی مناسبت سے آسٹریلیا اور انگلینڈ کے درمیان تاریخی ٹیسٹ میچ 11 سے 15 مارچ تک میلبرن کرکٹ گراؤنڈ میں کھیلا جائے گا۔
یہ بھی پڑھیں: لاہور میں ڈرائیونگ کے لیے میڈیکل فٹنس ٹیسٹ لازمی کرنے کی تجویز
ذرائع کا کہنا ہے کہ کرکٹ آسٹریلیا نے اس تاریخی موقع پر دنیا کے دیگر ممالک کے سابق کپتانوں اور معروف کرکٹرز کو بھی مدعو کیا ہے۔ آسٹریلیا اور انگلینڈ کے سابق اور سینئر کھلاڑیوں کو بھی تقریب میں شرکت کی دعوت دی گئی ہے۔کرکٹ آسٹریلیا اس موقع کو یادگار بنانے کے لیے مختلف تقریبات منعقد کرنے کا ارادہ رکھتا ہے، جبکہ مہمانوں کو خصوصی طور پر تیار کردہ سووینئرز بھی پیش کیے جائیں گے۔
