برمنگھم ( پاک ترک نیوز) برمنگھم ٹیسٹ کے چوتھے روز پاکستان نے دوسری اننگز میں 449 رنز بنا کر انگلینڈ کو جیت کے لیے 130 رنز کا ہدف دے دیا۔
یہ بھی پڑھیں: حوثیوں کا باب المندب میں اہم جزیرے میون اور ساحلی شہر ذباب کا کنٹرول سنبھالنے کا دعویٰ
پاکستان کی جانب سے رضا اللہ اور محمد عباس نے شاندار بیٹنگ کا مظاہرہ کرتے ہوئے 121 رنز کی قیمتی شراکت داری قائم کی۔رضا اللہ نے اپنے ٹیسٹ ڈیبیو پر 81 رنز کی شاندار اننگز کھیلی، جس میں 9 چھکے شامل تھے۔ اس کے ساتھ ہی انہوں نے ٹیسٹ ڈیبیو پر سب سے زیادہ چھکوں کے ریکارڈ کی برابری بھی کرلی۔محمد عباس نے بھی ذمہ دارانہ بیٹنگ کرتے ہوئے 42 رنز بنائے اور رضا اللہ کا بھرپور ساتھ دیا۔
اس سے قبل کپتان شان مسعود سنچری مکمل نہ کرسکے اور 95 رنز پر وکٹوں کے پیچھے کیچ دے بیٹھے۔ کپتان بابر اعظم نے 76 رنز کی عمدہ اننگز کھیلی، جبکہ اذان اویس 59 رنز بنا کر نمایاں رہے۔پاکستان کی جانب سے دوسری اننگز میں مضبوط مزاحمت کے بعد اب انگلینڈ کو ٹیسٹ جیتنے کے لیے 130 رنز درکار ہیں، جبکہ میچ فیصلہ کن مرحلے میں داخل ہوگیا ہے۔
