انقرہ ( پاک ترک نیوز) افغانستان عالمی دہشت گردوں کیلئے محفوظ پناہ گاہ اور لانچنگ پیڈ بن گیا۔کالعدم داعش کا ایک اور سرغنہ گرفتار کر لیا گیا ۔ ترکیہ کے جریدے اناطولیہ ایجنسی کے مطابق ترکیہ انٹیلی جنس نے سرحدی علاقے کے قریب افغانستان سے آپریٹ کرنے والے دہشت گرد گروہ داعش خراسان کے میڈیا سربراہ احمد قازانجی کو گرفتار کر لیا ۔
اناطولیہ ایجنسی کے مطابق دہشت گرد گروہ داعش خراسان کے گرفتار میڈیا چیف نے دہشت گردوں کی تربیت کا بھی اعتراف کیا، دہشت گرد گروہ داعش خراسان کے سرغنہ نے پروپیگنڈا، تخریب کاری اور دہشت گردی کیلئے سہولتکاری کی۔
اناطولیہ ایجنسی کے مطابق پاکستان متعدد باراقوام متحدہ سمیت دیگرعالمی فورمز پرافغانستان کے بطور دہشت گردوں کی محفوظ پناہ گاہ پرانتباہ دے چکا ہے
پاکستان کے اقوام متحدہ میں سفیرعاصم افتخار احمد کے مطابق داعش، القاعدہ،فتنہ الخوارج اورفتنہ الہندوستان سمیت متعدد دہشت گرد گروہ افغانستان میں آزادانہ طور پرسرگرم ہیں۔
