ٹورنٹو ( پاک ترک نیوز) کینیڈا کے وزیراعظم مارک کارنی اکیس سے تئیس اکتوبر تک ترکیہ کا دورہ کریں گے، جو کسی کینیڈین وزیراعظم کا ترکیہ کے ساتھ پہلا باضابطہ دوطرفہ دورہ ہوگا۔کینیڈین وزیراعظم کے دفتر کے مطابق مارک کارنی دارالحکومت انقرہ میں ترک صدر رجب طیب اردوان سے ملاقات کریں گے، جبکہ استنبول میں کاروباری شخصیات سے بھی بات چیت کریں گے۔دورے کے دوران دونوں ممالک کے درمیان اقتصادی تعاون بڑھانے اور تجارتی تعلقات کو وسعت دینے پر توجہ دی جائے گی۔
مارک کارنی اور صدر اردوان کے درمیان رواں سال جولائی میں انقرہ میں ہونے والے نیٹو سربراہی اجلاس کے موقع پر بھی ملاقات ہوئی تھی، جس میں کینیڈا اور ترکیہ کے درمیان جامع آزاد تجارتی معاہدے کے لیے مذاکرات شروع کرنے کا اعلان کیا گیا تھا۔ اس معاہدے سے متعلق کینیڈا میں عوامی مشاورت گزشتہ ماہ مکمل ہوئی۔کینیڈین وزیراعظم نے ترکیہ کو نیٹو کا اہم اتحادی اور گروپ بیس کا شراکت دار قرار دیتے ہوئے کہا ہے کہ دونوں ممالک کے درمیان اقتصادی تعاون بڑھانے کے وسیع امکانات موجود ہیں۔
یہ بھی پڑھیں: سابق امریکی فوجی کی سزائے موت 3 دسمبر کو براہِ راست نشر کرنے کا اعلان
مارک کارنی کے مطابق دونوں ممالک اپنی شراکت داری کو مزید مضبوط بنا کر اپنے عوام کے لیے معاشی استحکام، سلامتی اور خوشحالی کے نئے مواقع پیدا کرنا چاہتے ہیں۔
