واشنگٹن ( پاک ترک نیوز) امریکی صدر ڈونلڈ ٹرمپ نے ایران کے ساتھ رواں ہفتے مزید مذاکرات کا عندیہ دے دیا۔ایک انٹرویو میں صدر ٹرمپ نے کہا کہ امریکی مذاکرات کار رواں ہفتے ایران کے ساتھ مزید بات چیت کریں گے، انہیں ایران کے ساتھ مزید مذاکرات کی توقع ہے۔
ڈونلڈ ٹرمپ کے مطابق ایران معاہدہ کرنا چاہتا ہے، تاہم یہ وہ معاہدہ نہیں جو وہ خود کرنا چاہتے ہیں۔ ان کا کہنا تھا کہ یہ ایسی شرائط ہیں جن پر شاید امریکا ایک سال پہلے اتفاق کرلیتا۔
یہ بھی پڑھیں: امریکا سے مذاکرات پر اب اعتماد نہیں رہا،ایرانی صدر
امریکی صدر نے کہا کہ وہ ایران پر دوبارہ حملوں کے حوالے سے بھی سوچتے رہتے ہیں۔
