پرائیویٹ حج سکیم کے تحت درخواستوں کی وصولی کا آغاز ہو گیا

اسلام آباد ( پاک ترک نیوز) پرائیویٹ حج سکیم کے تحت درخواستوں کی وصولی کا آج سے آغاز ہو گیا ہے۔
تفصیلات کے مطابق پرائیویٹ سکیم کے تحت 37 ہزار 900 عازمین درخواستیں جمع کروا سکیں گے، وزارت مذہبی امور کا کہنا ہے کہ گزشتہ سال رہ جانے والے عازمین کو پرائیویٹ حج آپریٹرز پہلے موقع دیں گے۔
گزشتہ برس حج پر نہ جانے والے 22 ہزار 97 عازمین نے رجسٹریشن کروائی ہے، گزشتہ سال حج سے رہ جانے والے عازمین کی رجسٹریشن مکمل ہونے کا پرائیویٹ حج آپریٹرز بیان حلفی دیں گے۔
وزارت مذہبی امور کا کہنا ہے کہ اس سال پرائیویٹ حج آپریٹرزکا کوٹہ 60 ہزارمقررکیا گیا ہے،22 ہزار 97 عازمین گزشتہ برس حج سے محروم رہ جانے والے اور 37 ہزار903 نئے درخواست گزارحج پر اس اسکیم کے تحت جاسکیں گے۔