نیو یارک ( پاک ترک نیوز) فیفاورلڈکپ کے سیمی فائنل راؤنڈ کا کل سےآغاز ہوگا، پہلے سیمی فائنل میں فرانس اور سپین آمنے سامنے ہوں گے۔
سولہ جولائی کو دوسرے سیمی فائنل میں انگلینڈ دفاعی چیمپین ارجنٹینا سے ٹکرائے گا،ارجنٹینا تین بار اور انگلینڈ ایک بار فیفاورلڈکپ جیت چکا ہے ۔
فٹبال کی عالمی رینکنگ کی ٹاپ فور ٹیمیں فیفاورلڈکپ کے سیمی فائنلز کھیلیں گی، عالمی رینکنگ کی ٹاپ فور کا ورلڈکپ کے سیمی فائنل راؤنڈ میں کوالیفائی کرنا بھی حیران کن ریکارڈ بن گیا۔
یہ بھی پڑھیں: فیفا ورلڈ کپ: سیمی فائنل لائن اپ مکمل، کون کس سے ٹکرائے گا؟
فیفا رینکنگ میں فرانس کا پہلا نمبر، ارجنٹینا دوسرے، سپین تیسرے اور انگلینڈ چوتھے نمبر پر ہے،
دوسری طرف سنسنی اور جوش سے بھرا فیفا ورلڈ کپ مہنگا ہونے لگا، فائنل کا ٹکٹ حاصل کرنا شائقین کے لیے ایک بڑا چیلنج بن گیا،، مارکیٹ میں بعض ٹکٹوں کی قیمت تیس ہزار ڈالر سے بھی تجاوز کر گئی۔
