ایمسٹرڈیم(پاک ترک نیوز ) پاکستان نے نیدرلینڈز میں جاری ایف آئی ایچ ہاکی ورلڈ کپ کے کلاسیفکیشن میچ میں جاپان کو 4-3 سے شکست دے کر ایونٹ میں پہلی کامیابی حاصل کرلی۔
یہ ہاکی ورلڈ کپ میں پاکستان کی 16 سال بعد پہلی فتح ہے۔ قومی ٹیم نے آخری مرتبہ 2010 کے ورلڈ کپ میں کامیابی حاصل کی تھی، جب پاکستان نے اسپین کو 1-2 سے شکست دی تھی۔
پاکستان 2014 کے ہاکی ورلڈ کپ کے لیے کوالیفائی نہیں کرسکا تھا، جبکہ 2018 کے ورلڈ کپ میں بھی قومی ٹیم ایک میچ جیتنے میں ناکام رہی تھی۔
جاپان کے خلاف کلاسیفکیشن میچ میں پاکستان کی جانب سے رانا وحید نے دو گول کیے، جبکہ حنان شاہد اور حماد نے ایک، ایک گول اسکور کیا۔
قومی ٹیم نے میچ کے دوران برتری برقرار رکھتے ہوئے جاپان کو 3-4 سے شکست دی۔ کامیابی نے عالمی کپ میں پاکستان کی مہم کو نئی امید دے دی ہے۔
