کراچی ( پاک ترک نیوز) ملکی اور عالمی صرافہ بازاروں میں سونے اور چاندی کی قیمتوں میں اضافہ ریکارڈ کیا گیا۔ عالمی مارکیٹ میں سونے کی فی اونس قیمت میں 17 ڈالر اضافے کے بعد مقامی مارکیٹ میں بھی نرخ بڑھ گئے۔
آل پاکستان صرافہ بازار کے مطابق فی تولہ سونا 1700 روپے اضافے کے بعد 4 لاکھ 28 ہزار 436 روپے کا ہوگیا، جبکہ 10 گرام سونے کی قیمت 1457 روپے بڑھ کر 3 لاکھ 67 ہزار 314 روپے ہوگئی۔
عالمی مارکیٹ میں سونے کی فی اونس قیمت 17 ڈالر اضافے کے بعد 4060 ڈالر تک پہنچ گئی۔
دوسری جانب چاندی کی قیمتوں میں بھی اضافہ دیکھا گیا۔ مقامی مارکیٹ میں فی تولہ چاندی 54 روپے اضافے کے بعد 6291 روپے جبکہ 10 گرام چاندی 46 روپے اضافے سے 5393 روپے کی ہوگئی۔
یہ بھی پڑھیں: عالمی منڈی میں خام تیل سستا
عالمی مارکیٹ میں چاندی 58.12 ڈالر فی اونس پر ٹریڈ ہوتی رہی۔
