تہران (پاک ترک نیوز)کئی روز سے سامنے آنے والی متضاد اطلاعات کے بعدایرانی سپریم لیڈر مجتبیٰ خامنہ ای نے پاسداران انقلاب کے کمانڈر میجر جنرل محسن رضائی کو ایران کی سپریم نیشنل سکیورٹی کونسل کا سیکرٹری اور اپنا نمائندہ مقرر کرنے کا حکم نامہ جاری کیا۔
اتوار کے روز جاری ہونے والے فیصلے کو محسن رضائی کے بیش قدر خدمات کا اعتراف قرار دیتے ہوئے ایرانی سپریم لیڈر نے کہا ہےکہ وہ عراق-ایران جنگ کے دور کے نمایاں کمانڈروں میں سے تھے اور انہوں نے جنگ کے سالوں کے ایک بڑے حصے کے دوران ایرانی سپاہ پاسدارانِ انقلاب کی قیادت کی ہے۔
جاری کردہ حکم نامے میں مجتبیٰ خامنہ ای نے اس امید کا اظہار کیا ہے کہ میجنر جنرل محسن رضائی اس ذمہ داری کو ادا کرنے میں کامیاب ہوں گے۔ انہوں نے سابق سیکرٹری محمد باقر ذوالقدر کے اپنی ذمہ دارایں احسن طریقے سے ادا کرنے پر انہیں سراہا۔
محسن رضائی کی تعیّناتی ایسے وقت میں سامنے آئی ہے جب تہران جنگ کے بعد کے مرحلے اور امریکہ کے ساتھ معاملات طے کرنے کے مرحلے سے گزر رہا اور علاقائی سکیورٹی امور پر زیر بحث ہیں۔ اس دوران ایرانی صدر مسعود پزشکیان "نہ جنگ نہ امن” کی حالت سے زیادہ مستحکم راستے کی طرف منتقل ہونے کی ضرورت پرزور دے رہے ہیں۔
مجتبیٰ خامنہ ای کا فیصلہ اتوار کی صبح کے ابتدائی اوقات میں شکوک و شبہات پھیل جانے کے ایک دور کے بعد سامنے آیا۔ سپریم نیشنل سکیورٹی کونسل میں ایرانی رہبر کے نمائندے کے طور پر محسن رضائی کی تعیّناتی کا معاملہ دوبارہ اس وقت زیر بحث آیا جب ایک ایرانی خبررساں ادارے ’’ ایسنا ‘‘ نے ان کی تعیّناتی کی خبرجاری کی اور پھر بعد میں اسے واپس لے لیا۔ اسی طرح دیگر ایرانی ایجنسیوں ، جن میں "تسنیم” اور "مہر” شامل ہیں، نے بھی یہی خبر جاری کرنے کےبعد واپس لے لی تھی۔
یہ بھی پڑھیں: ایرانی سر زمین پر قدم رکھنے والے کسی امریکی فوجی کو زندہ نہیں چھوڑیں گے، ایران
تاہم گذشتہ صبح ایرانی صدر کے دفتر میں مواصلات اور میڈیا کے امور کے معاون مہدی طباطبائی نے اعلان کیا کہ صدر مسعود پزشکیان کی طرف سے جاری کردہ ایک صدارتی حکم نامے کے تحت محسن رضائی کو سپریم نیشنل سکیورٹی کونسل کا سیکرٹری مقرر کر دیا گیا ہے۔انہوں نے سماجی میڈیا کےپلیٹ فارم "ایکس” کے ذریعے وضاحت کی کہ یہ فیصلہ محمد باقر ذوالقدر کے کونسل کے سیکرٹری کے عہدے سے استعفیٰ دینے اور ان کی نئی ذمہ داری قبول کرنے کے بعد سامنے آیا ہے۔ بعد ازاں ایرانی میڈیا نے مجتبیٰ خامنہ ای کی طرف سے محمد باقر ذوالقدر کو اپنا سیاسی مشیر مقرر کرنے کا حکم نامہ جاری کرنے کی خبر دی ہے۔
