پنجاب حکومت کا سکولوں اور کالجوں میں سالانہ تعلیمی ایام بڑھا کر چھٹیاں کم کرنے کا منصوبہ

لاہور ( پاک ترک نیوز )پنجاب میں سکولوں اور کالجوں میں چھٹیوں کے حوالے سے حکومت کا نیا منصوبہ سامنے آ گیا ہے۔
پنجاب حکومت نے صوبے بھر کے سکولوں اور کالجوں میں سالانہ تعلیمی ایام بڑھا کر 190 دن کرنے کیلئے چھٹیاں کم کرنے کا منصوبہ تیار کر لیا ہے۔
منصوبے کے تحت موسم گرما کی چھٹیاں ڈھائی ماہ سے کم کرکے 6 ہفتے یعنی ڈیڑھ ماہ کی جائیں گی۔
حکومت کے اس فیصلے کا مقصد طلبہ اور طالبات کی تعلیمی کارکردگی بہتر بنانا اور تعلیمی نصاب کو مکمل کرنا ہے۔ نجی اسکول ایسوسی ایشنز نے بھی اس تجویز کی حمایت کر دی ہے۔