پشاور( پاک ترک نیوز) پشاور: خیبرپختونخوا کے مختلف اضلاع میں آج تعلیمی ادارے بند رکھنے کا اعلان کردیا گیا، جبکہ میٹرک کے سالانہ امتحانات دوم کے متعدد پرچے بھی ملتوی کردیے گئے ہیں۔سرکاری ذرائع کے مطابق ضلع پشاور کے تمام سرکاری اور نجی تعلیمی ادارے آج بند رہیں گے۔ بنوں تعلیمی بورڈ کے زیرِ اہتمام میٹرک کے سالانہ امتحانات دوم کے تمام پرچے بھی ملتوی کردیے گئے ہیں۔میٹرک کے آج ہونے والے امتحانات تاحکمِ ثانی ملتوی کیے گئے ہیں، جبکہ نئی تاریخوں کا اعلان بعد میں کیا جائے گا۔
یہ بھی پڑھیں: پشاور، صوبائی اپیکس کمیٹی کا اجلاس آج طلب
کوہاٹ میں بھی امتحانات ملتوی کردیے گئے ہیں، جبکہ جنوبی وزیرستان اور لوئر دیر میں بھی آج تمام تعلیمی ادارے بند رہیں گے۔دوسری جانب ضلع مالاکنڈ میں آج اور کل تعلیمی ادارے بند رکھنے کا فیصلہ کیا گیا ہے۔ مالاکنڈ میں 30 روز کے لیے دفعہ 144 بھی نافذ کردی گئی ہے۔
