پیپلز پارٹی کی پارلیمانی پارٹی کے اجلاس میں سیاسی ،انتظامی صورتحال پر مشاورت کی گئی
اسلام آباد (پاک ترک نیوز )پاکستان پیپلزپارٹی آزاد کشمیر کی پالیمانی پارٹی کا اجلاس زرداری ہاؤس اسلام آباد میں ہوا ہے جس کی صدارت وزیر اعظم آزاد کشمیر فیصل ممتاز راٹھور نے کی ۔
قائم مقام صدر آزاد کشمیر چودھری لطیف اکبر اور پارلیمانی پارٹی کے انیس ارکان اجلاس میں شریک ہوئے ،جلاس میں موجودہ سیاسی اور انتظامی صورتحال کا جائزہ لیا گیا
آزاد کشمیر کے وزیر چودھری قاسم مجید نے کہا پالیمانی پارٹی کے اجلاس میں آزاد کشمیر کی موجودہ صورتحال پر بحث کی گئی ۔آزاد کشمیر حکومت کی پہلے اور آج بھی یہی ترجیح رہی ہے کہ ریاست کے اندر امن و امان کی صورتحال بحال رہے۔
چودھری قاسم مجید نے کہاعوام کی جان و مال کی حفاظت کو ہر صورت ممکن بنائیں گے، جو ریاست کی رٹ کو چیلنج کرے گا قانون کے مطابق کاروائی کی جائے گی
سردار جاوید ایوب نے کہاحکومت نے مسائل کے حل اور مطالبات کی منظوری کے لیے ہر ممکن کوشش کی۔حکومت کی تمام تر کوششوں کے باوجود دوسرے فریق نے ہٹ دھرمی کی انتہا کر دی۔
سردار جاوید ایوب نے کہاآزاد کشمیر حکومت مذاکرات اور بات چیت کے دروازے بند نہیں کرنا چاہتی،وزیراعظم ازاد کشمیر فیصل ممتاز راٹھور نے اب بھی کہا ہے کہ حکومت بات چیت کے لیے تیار ہے
سردار جاوید یعقوب نے کہا شہریوں کے جان و مال اور سرکاری املاک کا تحفظ حکومت کی آئینی ذمہ داری ہے۔حکومت قانون کے دائرے میں رہ کر امن و امان برقرار رکھنے کے لیے تمام ضروری اقدامات کرے گی
جاوید یعقوب نے مزید کہا پرامن احتجاج ہر شہری کا حق ہے، تاہم قانون سے تجاوز کی اجازت نہیں دی جا سکتی،آزاد کشمیر میں امن و استحکام حکومت کی اولین ترجیح ہے۔
انہوں نے کہا قانون شکنی کی صورت میں انتظامیہ اور قانون نافذ کرنے والے ادارے اپنی ذمہ داریاں ادا کریں گے۔
