پاکستانی ریپر طلحہ انجم بھارتی پرچم لہرانے پر تنازعے کا شکار

کھٹمنڈو ( پاک ترک نیوز) پاکستانی ریپر طلحہ انجم نیپال کے ایک کنسرٹ کے دوران بھارتی پرچم لہرانے کے بعد شدید تنازعے کا شکار ہو گئے ہیں۔
کنسرٹ کے دوران ان کے ساتھ ریپر طلحہ یونس بھی سٹیج پر موجود تھے جنہوں نے نیپالی پرچم بلند کر کے مقامی سامعین کا شکریہ ادا کیا۔
طلحہ انجم نے اپنے عمل کی وضاحت کرتے ہوئے کہا کہ یہ صرف دوستی اور خیر سگالی کا پیغام تھا اور ان کا مقصد موسیقی کو سرحدوں، قومیت یا سیاست سے بالاتر دکھانا تھا۔
پاکستان میں اس واقعے پر سوشل میڈیا پر کافی بحث چھڑ گئی ہے، بعض ناقدین نے اسے قومی وفاداری کے خلاف حرکت قرار دیا، جب کہ کچھ لوگوں نے اس کی حمایت کرتے ہوئے کہا کہ فنکاروں کو ثقافتی اور موسیقی کے ذریعے امن اور اتحاد کا پیغام دینے کا حق ہونا چاہیے۔
نیپالی مداحوں کی جانب سے اس عمل کو مثبت انداز میں لیا گیا اور کہا گیا کہ یہ ایک خوبصورت پیغام ہے جو ثقافتی ہم آہنگی کو فروغ دیتا ہے اور موسیقی کے ذریعے لوگوں کو قریب لاتا ہے۔
تاحال طلحہ انجم یا طلحہ یونس کی جانب سے کوئی مزید تفصیلی بیان یا وضاحت سامنے نہیں آئی ہے، لیکن اس واقعے نے دونوں ممالک میں سوشل میڈیا پر بحث کو مزید بڑھا دیا ہے۔