واشنگٹن ( پاک ترک نیوز) امریکی ٹیکنالوجی کمپنی مائیکروسافٹ کی طرف سے آئندہ ہفتے ملازمین کی ایک نئی بڑی تعداد کو فارغ کرنے کا اعلان متوقع ہے ۔ دنیا بھر میں 5500 سے زائد ملازمتیں متاثر ہوں گے۔
بزنس انسائیڈر کی رپورٹ کے مطابق یہ چھانٹیاں کمپنی کی عالمی افرادی قوت کے 2.5 فیصد سے کم حصے پر مشتمل ہوں گی۔ یہ اقدام سیلز، کنسلٹنگ اورایکس باکس گیمنگ ڈویژن سمیت مختلف شعبوں کو متاثر کر سکتا ہے۔
یہ بھی پڑھیں: سرکاری و نجی ملازمین خبردار! یکم جولائی سے تنخواہ پر نیا ٹیکس
رپورٹ کے مطابق 30 جون 2025 تک مائیکروسافٹ کے دنیا بھر میں تقریباً 2 لاکھ 28 ہزار مستقل ملازمین تھے۔ اگر چھانٹیوں کا حجم 2.5 فیصد سے کم رہا تو متاثرہ ملازمین کی تعداد تقریباً 5 ہزار 700 سے کم ہوگی۔
اگرچہ مائیکروسافٹ نے تاحال ان اطلاعات کی باضابطہ تصدیق نہیں کی، تاہم ذرائع کا کہنا ہے کہ کمپنی اپنے کاروباری ڈھانچے کو مزید مؤثر بنانے اور اخراجات میں کمی کے لیے تنظیمِ نو پر غور کر رہی ہے۔
