ایران کی خودمختاری اور سلامتی کا احترام اور تحفظ کیا جانا چاہیئے ،چین

بیجنگ ( پاک ترک نیوز) چینی وزیر خارجہ اور ایرانی ہم منصب کا ٹیلیفونک رابطہ ہوا ہے ،دونوں رہنماؤں نے خطے کی صورتحال پر تبادلہ خیال کیا ۔
چینی وزیر خارجہ نے کہا ایران کی خودمختاری اور سلامتی کا احترام اور تحفظ کیا جانا چاہیئے ، چین جنگ بندی اور امن مذاکرات کی حمایت کرتا ہے، چین علاقائی ممالک کے درمیان تعلقات کی بہتری کے لیے کردار ادا کرنے کے لیے تیار ہے۔
واضح رہے کہ چین کے صدر شی جن پنگ نے مشرق وسطیٰ میں امن و استحکام کے فروغ کے لیے ایک چار نکاتی تجویز پیش کی ہے۔ انہوں نے یہ تجویز بیجنگ میں متحدہ عرب امارات کے صدر شیخ محمد بن زید النہیان سے ملاقات کے دوران پیش کی۔ شی جن پنگ نے پرامن بقائے باہمی کے اصول پر عمل کرنے پر زور دیتے ہوئے کہا کہ مشرق وسطیٰ اور خلیجی خطے کے لیے ایک مشترکہ، جامع، باہمی تعاون پر مبنی اور پائیدار‘‘ سکیورٹی ڈھانچہ قائم کرنے کی ضرورت ہے۔