ایران کے پاس وقت نہیں ،معاہدہ نہ ہوا تو باقی اہداف کو نشانہ بنائیں گے ،ٹرمپ

واشنگٹن ( پاک ترک نیوز) امریکی صدر ڈونلڈ ٹرمپ نے ایک بار پھر ایران کو سخت پیغام دے دیا ۔
کہتے ہیں میرے پاس وقت ہے، ایران کے پاس نہیں، موقع دے رہا ہوں ،چاہتا ہوں بہتر ڈیل ہو جائے،،معاہدہ نہ ہوا تو باقی رہ جانے والے اہداف کو بھی نشانہ بنائیں گے۔۔ ایران میں 75فیصد تک اہداف کو حاصل کر لیا۔ آبنائے ہرمز ہمارے مکمل کنٹرول میں ہے۔ امریکا آبنائے ہرمز کھولنے کیلئے تیار ہے۔
ڈیل کے بغیر آبنائے ہرمز کھول کر ایران کو 50کروڑ ڈالر یومیہ کمانے نہیں دوں گا۔ کہا، بحری ناکہ بندی کی وجہ سے ایرانی معیشت مشکلات میں ہے۔امریکا ایران جنگ ختم کرنے کیلئے پریشان نہیں۔ ایران کو ایٹمی ہتھیار نہیں رکھنے دیں گے۔ ٹرمپ نے ایران کیخلاف نیوکلیئر ہتھیار استعمال کرنے کو احمقانہ قرار دیا۔ کہا، کسی کو بھی نیوکلیئر ہتھیار استعمال نہیں کرنا چاہیئے۔
نئی ایرانی قیادت ملک پر کنٹرول کرنے کیلئے آپس میں لڑرہی ہے۔۔ اس سے قبل سوشل میڈیا پیغام میں ۔کہا،۔ امریکی بحریہ کو آبنائے ہرمز میں بارودی سرنگیں بچھانے والی ہر کشتی کو تباہ کرنے کا حکم دیا۔۔ کارروائیاں تین گنا بڑھانے کی ہدایت کی۔