تہران ( پاک ترک نیوز) ایرانی فوج نے جوابی کرتے ہوئے امریکی بحری جہاز پر کروز میزائل حملے کا دعویٰ کیا ہے۔ پاسدارانِ انقلاب کے مطابقبحرین میں امریکی ڈرون ڈپو کو نشانہ بنایا گیا۔ مصنوعی ذہانت کے مرکز کو بھی تباہ کر دیا گیا۔
ادھر ایرانی صوبے ہرمزگان اور بدر خمیر میں امریکی حملے میں شہید ہونے والے شہریوں کی تصاویر جاری کر دی گئیں ۔
ایرانی وزیرِ خارجہ عباس عراقچی کا کہنا ہے امریکی حملوں سے جاں بحق ہونے والے افراد کاخون رائیگاں جانے نہیں دیں گے۔ آخری سانس تک وطن کا دفاع کیا جائے گا۔
یہ بھی پڑھیں: امریکہ کے ایران پر ساتویں شب حملے ،مزید تین افراد شہید
ایرانی وزارت خارجہ کے ترجمان اسماعیل بقائی نے کہا امریکہ نے پلوں کو نشانہ بنا کر جنگی جرم کا ارتکاب کیا ۔ عوام اس مجرمانہ جارحیت پر سفاک دشمنوں کو سخت پچھتاوا دینے کے لیے پوری طرح تیار ہیں۔
