ریاض ( پاک ترک نیوز) حوثی ملیشیا کی جانب سے مکہ مکرمہ اور مدینہ منورہ کی طرف بھیجے گئے ڈرون حملے ناکام بنا دیے گئے۔سعودی فوجی اتحاد کے ترجمان ترکی المالکی کے مطابق دفاعی نظام نے بروقت نشاندہی کرتے ہوئے ڈرون تباہ کر دیا۔
ریاض اور سعودی عرب کے جنوبی علاقوں کی جانب داغے گئے تین بیلسٹک میزائل بھی تباہ کر دیے گئے، جبکہ ایک اور ڈرون بھی مار گرایا گیا۔ترجمان کے مطابق مدینہ منورہ کی جانب بھیجا گیا حوثی ڈرون بھی تباہ کر دیا گیا۔دوسری جانب یمنی فوج نے دعویٰ کیا ہے کہ حوثی ملیشیا کے خلاف مزید 982 حملے کیے گئے، جن میں کمانڈ اینڈ کنٹرول مراکز، فیلڈ کمانڈرز، اسنائپر پوزیشنز اور سپلائی لائنز کو نشانہ بنایا گیا۔
یہ بھی پڑھیں: ایران امریکا سے مذاکرات کا خواہاں، دونوں ممالک میں مسلسل رابطے جاری ہیں، ٹرمپ
یمنی فوج کے مطابق کارروائیوں میں حوثی ملیشیا کے 324 جنگجو ہلاک اور متعدد زخمی ہوئے، جبکہ 108 گاڑیوں کو بھی نقصان پہنچا۔
