لاہور( پاک ترک نیوز) لاہور میں رائیونڈ روڈ پر سرکاری بس کے ملازم بچی پر تشدد کرتا رہا ،فوٹیج سوشل میڈیا پر وائرل ہو گئی سپیڈو بس نمبر ایل ایچ آر ای وی 008 کے عملے نے بچی پر مبینہ تشدد کیا۔ یہ بس پنجاب حکومت کے محکمہ ٹرانسپورٹ کے ماتحت چلتی ہے۔ وائرل ہونے والی فوٹیج میں بس کے عملے کو بچی پر تشدد کرتے واضح طور پر دیکھا جا سکتا ہے۔
پولیس کے مطابق واقعہ چوہنگ جیابگا اسٹاپ کے قریب پیش آیا۔ فوٹیج وائرل ہونے پر پولیس نے ملزم سجاد کو گرفتار کرلیا ،ڈی آئی جی آپریشنز لاہور کا کہنا ہے کہ خواتین اور بچوں پر تشدد کرنے والے عناصر کسی رعایت کے مستحق نہیں اور ایسے واقعات میں ملوث افراد کے خلاف سخت کارروائی عمل میں لائی جائے گی۔
لاہور میں سرکاری بس کے ملازم کا بچی پر تشدد
