ڈھاکہ ( پاک ترک نیوز) ڈھاکہ میں جاری پہلے ٹیسٹ میچ میں پاکستانی بیٹنگ لائن 268رنز کے ہدف کے تعاقب میں مشکلات کا شکار ہو گئی ۔
تفصیلات کےمطابق پاکستانی بیٹنگ لائن ایک بار پھر ناکام ہو گئی ۔ 268رنز کے ہدف کے تعاقب میں 121رنز پر پاکستان کی آدھی ٹیم پویلین لوٹ گئی ۔
پاکستان کو پہلے ٹیسٹ میچ جیتنے کیلئے مزید 147رنز درکار ہیں اور اس کی پانچ وکٹیں باقی ہیں۔
اس سےقبل بنگلہ دیش نے دوسری اننگز میں 240رنز 9وکٹوں کے نقصان پر اننگز ڈیکلیئر کردی تھی اور شاہینوں کو جیت کیلئے 268رنز کا ہدف دیا تھا ۔
قبل ازیں بنگلہ دیش نے پہلی اننگز میں 413رنز بنائے تھے جس کے جواب میں پاکستان بیٹنگ لائن 385رنز بنا کر پویلین لوٹ گئی تھی ۔
واضح رہے کہ دو میچوں پر مشتمل سیریز کا دوسرا ٹیسٹ میچ 16مئی سے شروع ہو گا ۔
ڈھاکہ ٹیسٹ ،پاکستانی بیٹنگ لائن 268رنز کے ہدف کے تعاقب میں مشکلات کا شکار
