ڈھاکہ ( پاک ترک نیوز) ہم نے مکہ دفاعی معاہدے میں اپنی دلچسپی کا اظہار کیا ہے بنگلہ دیش اب ایک تسلیم شدہ حیثیت کا حامل ملک ہے۔ مغربی ایشیا (مشرقِ وسطیٰ) اور دنیا بھر میں پھیلی ہوئی مسلم دنیا کےممالک اب بنگلہ دیش کی قیادت، بالخصوص وزیر اعظم طارق رحمان مختلف مواقع پر اپنے ساتھ شریک ہونے کی دعوت دے رہے ہیں۔ان خیالات کا اظہار گذشتہ ہفتے تعینات ہو نے والے بنگلہ دیش کے وزیر مملکت برائے خارجہ ہمایوں کبیر نے اپنے انٹرویو میں کیا ہے۔ انکا کہنا تھا کہ اگر مغربی ایشیا میں کوئی ایسا معاہدہ موجود ہے، یا اسلامی ممالک کے درمیان کوئی سیکیورٹی معاہدہ ہے۔ تو وہاں ہمارا شامل ہونا کوئی غیر معمولی بات نہیں ہے۔ دیکھتے ہیں کیا ہوتا ہے۔ اس معاملے کو مثبت انداز میں دیکھا جا رہا ہے۔
یہ بھی پڑھیں: غزہ معاہدے سے متعلق اسرائیلی کابینہ کا اجلاس جمعرات تک ملتوی
کبیرجو ماضی میں وزیر اعظم طارق ر حمان کے مشیر کے طور پر خدمات انجام دے چکے ہیں نے کہا کہ بنگلہ دیش اس وقت مختلف بین الاقوامی شراکت داروں کے ساتھ تعلقات اور تعاون کو وسعت دینے کے لیے کوشاں ہے۔خصوصاً مشرقِ وسطیٰاور وسیع تر مسلم دنیا کےممالک بنگلہ دیشی قیادت کو مختلف اقدامات میں شرکت کی دعوت دے رہے ہیں۔جہاں تک مکہ دفاعی معاہدے کا معاملہ ہےتو اسے مثبت نگاہ سے دیکھا جا رہا ہے۔ تاہم یہ معاملہ ابھی صرف بات چیت کے مرحلے میں ہے۔
