کھٹمنڈو ( پاک ترک نیوز) نیپال میں تباہ کن سیلاب نے بڑے پیمانے پر تباہی مچا دی،سیلاب اور بارشوں کے باعث ہلاکتوں کی تعداد 903 ہوگئی، جبکہ 3 ہزار سے زائد افراد تاحال لاپتا ہیں۔ہائیڈرو پاور منصوبے کے 6 مختلف مقامات پر پھنسے 933 کارکنوں کو نکالنے کے لیے بڑے پیمانے پر ریسکیو آپریشن جاری ہے۔
نیپالی وزارتِ تعلیم کے مطابق مختلف تعلیمی اداروں کے 200 سے زائد طلبا بھی لاپتا ہیں، جس کے باعث والدین میں شدید تشویش پائی جا رہی ہے۔سیلابی ریلوں نے اسکولوں، اسپتالوں، پن بجلی گھروں، سڑکوں، پلوں اور دیگر بنیادی ڈھانچے کو شدید نقصان پہنچایا ہے، جبکہ کئی علاقوں میں آمدورفت اور مواصلاتی نظام بھی متاثر ہوا ہے۔
یہ بھی پڑھیں: پی ڈی ایم اے کا پنجاب بھر میں موسلادھار بارشوں اور اربن فلڈنگ کا الرٹ جاری
نیپالی وزیرِ خارجہ کا کہنا ہے کہ ملک کو عمومی سرچ اینڈ ریسکیو آپریشن کے لیے غیر ملکی مدد کی ضرورت نہیں، تاہم حکومت صورتحال پر مسلسل نظر رکھے ہوئے ہے۔حکام کے مطابق ریسکیو ٹیمیں متاثرہ علاقوں میں پھنسے افراد کو محفوظ مقامات پر منتقل کرنے اور لاپتا افراد کی تلاش کے لیے کارروائیاں جاری رکھے ہوئے ہیں۔
