اسلام آباد(پاک ترک نیوز ) وزیراعظم شہباز شریف نے ترکیہ کے شہر استنبول میں سیلاب کے باعث جانی و مالی نقصان پر افسوس کا اظہار کرتے ہوئے ترک صدر رجب طیب اردوان، متاثرہ خاندانوں اور ترکیہ کے عوام سے یکجہتی کا اظہار کیا ہے۔
وزیراعظم شہباز شریف نے کہا کہ وہ لاپتا افراد کی بحفاظت بازیابی اور زخمیوں کی جلد صحت یابی کے لیے دعاگو ہیں۔
انہوں نے کہا کہ پاکستان، ترکیہ کے برادر عوام کے ساتھ مکمل یکجہتی کا اظہار کرتا ہے۔
وزیراعظم نے اس عزم کا اعادہ بھی کیا کہ پاکستان مشکل کی اس گھڑی میں ترکیہ کے عوام کو ہر ممکن مدد فراہم کرنے کے لیے تیار ہے۔
