ملتان ( پاک ترک نیوز) ملتان میں خوفناک ٹریفک حادثے میں پانچ افراد جاں بحق ہو گئے، بوسن روڈ پر سبزہ زار میٹرو اسٹیشن کے قریب تیز رفتار کار بے قابو ہوکر پہلے ڈیوائیڈر سے ٹکرائی اور پھر خالی پلاٹ کی دیوار سے جا لگی، حادثے کے نتیجے میں کار میں سوار پانچوں افراد جاں بحق ہوگئے۔حادثہ اس قدر شدید تھا کہ ٹکر کے بعد کار کے انجن میں آگ بھڑک اٹھی۔ اطلاع ملنے پر ریسکیو 1122 کے فائر فائٹرز موقع پر پہنچ گئے اور آگ پر قابو پالیا۔
یہ بھی پڑھیں: قومی اسمبلی کا اجلاس آج شام 5 بجے ہو گا،16نکاتی ایجنڈا جاری
ریسکیو اہلکاروں نے کار میں پھنسے پانچوں افراد کی لاشیں نکال لیں۔ پولیس نے قانونی کارروائی مکمل کرنے کے بعد لاشیں نشتر ہسپتال منتقل کردیں۔
