لاہور( پاک ترک نیوز) ایسا کرنسی نوٹ جس نے دنیا کو حیران کر دیا، مالدیپ کا ہزار روفیہ نوٹ سوشل میڈیا پر چھا گیا۔
عام طور پر کرنسی نوٹ صرف لین دین کا ذریعہ سمجھے جاتے ہیں لیکن دنیا میں ایک ایسا نوٹ بھی موجود ہے جسے دیکھ کر لوگ رک جاتے ہیں، حیران رہ جاتے ہیں اور اس کی خوبصورتی کے معترف بن جاتے ہیں۔ مالدیپ کا ایک ہزار روفیہ کا نوٹ ان دنوں سوشل میڈیا پر تہلکہ مچا رہا ہے اور لاکھوں افراد اسے دنیا کا خوبصورت ترین کرنسی نوٹ قرار دے رہے ہیں۔
مالدیپ مانیٹری اتھارٹی نے یہ منفرد اور دلکش نوٹ 2015 میں ملک کی آزادی کے پچاس سال مکمل ہونے پر جاری کیا تھا۔ گولڈن ففٹی سیریز کے تحت متعارف کرایا گیا یہ نوٹ مالدیپ کے قدرتی حسن اور سمندری حیات کی عکاسی کرتا ہے۔
نوٹ کے ایک جانب دنیا کی سب سے بڑی مچھلی وہیل شارک کو انتہائی خوبصورتی سے دکھایا گیا ہے جبکہ دوسری جانب سمندری کچھوا اور مانٹا ریز کی دلکش تصاویر نقش ہیں۔ گہرے نیلے رنگوں میں ڈوبا یہ نوٹ سمندر کی دنیا کا ایک خوبصورت منظر پیش کرتا ہے۔
اس منفرد نوٹ کو عالمی سطح پر بھی پذیرائی ملی۔ انٹرنیشنل بینک نوٹ سوسائٹی نے اسے دنیا کے بہترین نئے کرنسی نوٹوں میں شامل کرتے ہوئے اس کے ڈیزائن کو خصوصی اعزاز سے نوازا۔
یہ نوٹ پولیمر مٹیریل پر معروف برطانوی کمپنی ڈی لا رو نے تیار کیا، جو جدید اور محفوظ کرنسی نوٹوں کی تیاری میں دنیا بھر میں شہرت رکھتی ہے۔
یہ بھی پڑھیں: 5000کا جعلی نوٹ ہے یا اصلی ،کیسے پتہ چلے گا
اس نوٹ کا مرکزی پیغام ہمارے اردگرد موجود خوبصورتی ہے، جو مالدیپ کے شفاف پانیوں، نایاب سمندری حیات اور قدرتی حسن کو دنیا کے سامنے پیش کرتا ہے۔
سوشل میڈیا پلیٹ فارمز ٹک ٹاک اور انسٹاگرام پر اس نوٹ کی ویڈیوز لاکھوں نہیں بلکہ کروڑوں بار دیکھی جا چکی ہیں، جہاں صارفین اسے فن پارہ، شاہکار اور دنیا کی خوبصورت ترین کرنسی قرار دے رہے ہیں۔
تے ہیں پیسہ ہاتھوں میں آتا ہے اور خرچ ہو جاتا ہے، لیکن مالدیپ کا یہ ہزار روفیہ نوٹ ایسا ہے جسے دیکھ کر دل چاہتا ہے کہ اسے سنبھال کر رکھا جائے۔ شاید
یہی وجہ ہے کہ یہ نوٹ صرف کرنسی نہیں بلکہ ایک فنکارانہ شاہکار بن کر دنیا بھر کی توجہ حاصل کر رہا ہے۔
