بیجنگ (پاک ترک نیوز) چین کی تحقیقی ٹیموں نے آزادانہ طور پر تیار کردہ سپرکنڈکٹنگ کوانٹم کمپیوٹر میں اہم پیش رفت حاصل کرلی، جہاں ایک کوانٹم روٹر کے ذریعے معلومات کی ترسیل کی شرح 98 فیصد تک ریکارڈ کی گئی ہے۔
چینی کمپنی اوریجن کوانٹم کمپیوٹنگ ٹیکنالوجی کے مطابق یہ کامیابی متعدد چینی تحقیقی ٹیموں نے مشترکہ طور پر حاصل کی۔محققین نے چین کے تیسرے نسل کے خود تیار کردہ سپرکنڈکٹنگ کوانٹم کمپیوٹر ’’اوریجن ووکونگ‘‘ پر کوانٹم راستہ بندی کا نظام تیار کیا، جو ڈیٹا کو درست منزل تک پہنچانے میں مدد دیتا ہے۔
کوانٹم رینڈم ایکسس میموری یعنی کیو ریم، کوانٹم تلاش اور کوانٹم مشین لرننگ جیسے جدید الگورتھمز کا اہم جزو ہے۔ اس کے بنیادی حصے کوانٹم روٹر کا کام معلومات کو دی گئی ہدایات کے مطابق درست مقام تک پہنچانا ہے۔محققین نے کمپیوٹر پر تین الگ کوانٹم روٹرز اور دو سطحوں پر مشتمل راستہ بندی کا نظام نصب کرکے تجربات کیے۔ نتائج کے مطابق ایک روٹر نے معلومات کی ترسیل میں 98 فیصد تک کارکردگی دکھائی، جبکہ دو سطحی نظام کی مجموعی شرح 93 فیصد رہی۔
یہ بھی پڑھیں: چین میں شمسی توانائی سے بجلی کی پیداوار کوئلے سے چلنے والے بجلی گھروں سے بڑھ گئی
براہ راست رسائی کے تجربات میں ایک روٹر کی اوسط درستگی 94.8 فیصد جبکہ دو سطحی نظام کی درستگی 82.4 فیصد ریکارڈ کی گئی۔
