اسلام آباد (پاک ترک نیوز )وفاقی وزیر پارلیمانی امور طارق فضل چودھری نے کہا ہے کہ حکومت آج بھی اپوزیشن کی تمام جماعتوں کو مذاکرات کی دعوت دیتی ہے، مسائل کا حل بات چیت کے ذریعے تلاش کیا جائے۔
طارق فضل چوہدری کے مطابق ڈاکٹرز تک رسائی اور ملاقات کے معاملے پر محسن نقوی نے مذاکرات کے دوران ہی وضاحت کر دی تھی، ملاقاتوں سمیت دیگر امور بھی طے پا گئے تھے، تاہم سہیل آفریدی نے انکار کر دیا۔
انہوں نے کہا کہ اپوزیشن لیڈر اور وزیراعظم کی ملاقات میں مقام سے زیادہ اہمیت ایجنڈے کی ہے۔ ملکی مفاد اور آئینی تقاضوں کی تکمیل کے لیے وزیراعظم اپوزیشن لیڈر سے ملاقات کرنے کے لیے تیار ہیں۔
وفاقی وزیر نے اپوزیشن پر زور دیا کہ وہ مذاکرات کی میز پر آئے اور باہمی گفت و شنید کے ذریعے مسائل کا حل تلاش کرے۔
