پشاور (پاک ترک نیوز )خیبرپختونخوا حکومت نے سرکاری ملازمین کی غیر ملکیوں سے شادی پر پابندی عائد کر دی۔
غیر ملکی شہری سے شادی کیلئے سرکاری ملازم کو پیشگی حکومتی اجازت لازمی قراردے دی گئی ،اجازت کے بغیر غیر ملکی سے شادی کرنے پر سخت محکمانہ کارروائی کا فیصلہ کر لیا گیا ۔
سرکاری دستاویزات کے مطابق خلاف ورزی کرنے والے ملازمین کو مس کنڈکٹ کا مرتکب تصور کیا جائے گا،حکومت اجازت دیتے وقت سکیورٹی اور انٹیلیجنس پہلوؤں کو مدنظر رکھے گی، غیر ملکی شریک حیات کی شہریت اور پاکستان سے تعلقات کا جائزہ لیا جائے گا،متعلقہ اداروں سے سکیورٹی کلیئرنس کے بعد ہی شادی کی اجازت دی جائے گی۔
پہلے سے غیر ملکی سے شادی کرنے والے ملازمین کے کیسز دوبارہ جانچ کیلئے پیش ہوں گے ۔درخواست دینے کیلئے مکمل دستاویزات اور کریکٹر کلیئرنس لازمی قرار دی گئی ہے ،درخواستیں محکمہ داخلہ و قبائلی امور کو سکیورٹی کلیئرنس کیلئے بھیجی جائیں گی،حکومت کو عوامی مفاد میں اجازت دینے یا نہ دینے کا مکمل اختیار حاصل ہوگا، خصوصی حالات میں حکومت قواعد میں نرمی بھی کر سکتی ہے۔
سرکاری ملازمین کے غیر ملکیوں سے شادی پر پابندی
