افسروں کی ترقیوں کیلئے اعلی سطحی سلیکشن بورڈ کا اجلاس 27اپریل کو طلب

اسلام آباد (پاک ترک نیوز )وزیر اعظم شہباز شریف نےوفاقی سروس کے افسران کی ترقیوں کے لئے ہائی پاورڈ سلیکشن بورڈ اجلاس27پریل کوطلب کرلیا۔
ذرائع کے مطابق اجلاس میں گریڈ 21 کے افسران کو گریڈ 22 میں ترقی دی جائے گی، اسٹیبلشمنٹ ڈویژن نے اجلاس کیلئے ہوم ورک مکمل کرلیا۔اجلاس میں پا کستان ایڈ منسٹریٹو سروس، پولیس سروس، سیکر ٹر یٹ گروپ، پاکستان آڈٹ اینڈ اکا ئونٹس سروس کے افسران کی ترقیوں کی منظوری متوقع ہے۔
کسٹمز سروس، ان لینڈ ریونیو سروس، فارن سروس، انفار میشن گروپ اور دیگر سروس کے افسران کی ترقیوں کی منظوری دی جائے گی ،ہائی پاورڈ سلیکشن بورڈ اجلاس کی صدارت وزیراعظم یا نائب وزیراعظم کریں گے۔ ہائی پاورڈ سلیکشن بورڈ کا گزشتہ اجلاس مارچ 2025 میں منعقد ہوا تھا۔