کراچی (پاک ترک نیوز )پاکستان پیپلز پارٹی کے چیئرمین بلاول بھٹو زرداری نے اپنی منگنی اور شادی سے متعلق سوشل میڈیا پر گردش کرنے والی خبروں کو دوٹوک انداز میں مسترد کردیا۔
بلاول بھٹو زرداری کا کہنا ہے کہ سوشل میڈیا نے بات پکی ہونے سے لے کر منگنی اور شادی تک کروا دی، تاہم نہ منگنی ہوئی ہے اور نہ ہی شادی۔
انہوں نے کہا کہ سوشل میڈیا پر ان کی شادی سے متعلق چلنے والی خبریں محض افواہیں اور بے بنیاد ہیں۔
بلاول بھٹو زرداری نے واضح کیا کہ وہ پرنسز گلوریا نامی کسی خاتون کو نہیں جانتے۔
پیپلز پارٹی کے چیئرمین کا کہنا تھا کہ سوشل میڈیا کے تماشے حقیقی مسائل سے توجہ ہٹانے کا ذریعہ بنتے ہیں، جبکہ غیر ضروری معاملات کو بلاوجہ ہوا دی جاتی ہے۔
بلاول بھٹو نے اپنی ذاتی زندگی سے متعلق گردش کرنے والی تمام خبروں کو مسترد کرتے ہوئے واضح کیا کہ فی الحال ان کی منگنی یا شادی سے متعلق کوئی حقیقت نہیں۔
