لاہور( پاک ترک نیوز) ٹیسٹ کرکٹ کی تازہ عالمی رینکنگ میں پاکستانی بلے باز بابر اعظم نے بڑی چھلانگ لگا دی۔ بابر اعظم پانچ درجے ترقی کے بعد دسویں نمبر پر پہنچ گئے اور تقریباً دو سال بعد دوبارہ آئی سی سی کی ٹاپ 10 ٹیسٹ بیٹرز میں جگہ بنانے میں کامیاب ہوگئے۔
ٹیسٹ بیٹرز کی رینکنگ میں آسٹریلیا کے ٹریوس ہیڈ کی پہلی پوزیشن برقرار ہے۔پاکستان کے عبداللہ شفیق نے بھی شاندار پیش رفت کی۔۔۔ 25 درجے ترقی کے بعد 32ویں نمبر پر پہنچ گئے۔
دوسری جانب سعود شکیل دو درجے تنزلی کے بعد 26ویں جبکہ محمد رضوان ایک درجے تنزلی کے بعد 27ویں نمبر پر آگئے۔
پاکستانی ٹیسٹ کپتان شان مسعود کی رینکنگ میں بھی تین درجے تنزلی ہوئی اور وہ 39ویں نمبر پر چلے گئے۔
ٹیسٹ بولرز کی عالمی رینکنگ میں بھارت کے جسپریت بمرا کی پہلی پوزیشن برقرار ہے۔پاکستان کے ساجد خان نے پانچ درجے ترقی حاصل کی اور 30ویں نمبر پر پہنچ گئے۔
یہ بھی پڑھیں: بھارتی کرکٹرز کے وزن کم کرنے کے انجکشنز کے استعمال کا انکشاف
ٹیسٹ آل راؤنڈرز کی رینکنگ میں بھارت کے رویندرا جڈیجا بدستور پہلے نمبر پر موجود ہیں۔
