نئی دہلی ( پاک ترک نیوز) بھارتی کرکٹ میں فٹنس کو لے کر نیا تنازع سامنے آگیا۔۔۔بھارتی میڈیا نے دعویٰ کیا ہے کہ کچھ کرکٹرز وزن کم کرنے اور سلم نظر آنے کے لیے انجکشنز اور ادویات کا استعمال کررہے ہیں۔
رپورٹس کے مطابق بعض کھلاڑی ویرات کوہلی جیسی فٹنس اور جسمانی ساخت حاصل کرنے کے لیے شارٹ کٹ راستہ اختیار کررہے ہیں۔
بھارتی میڈیا کا کہنا ہے کہ صرف سینئر کھلاڑی ہی نہیں بلکہ آئی پی ایل میں کھیلنے والے بعض کرکٹرز بھی وزن کم کرنے والی ادویات اور انجکشنز استعمال کررہے ہیں۔
رپورٹس کے مطابق ویرات کوہلی نے اپنی فٹنس سخت ڈائٹ، مسلسل ٹریننگ اور ڈسپلن کے ذریعے حاصل کی، جس کے لیے طویل عرصے تک محنت اور مستقل مزاجی درکار ہوتی ہے۔
بھارتی میڈیا نے خبردار کیا ہے کہ فوری طور پر وزن کم کرنے کے لیے ادویات یا انجکشنز کا استعمال صحت کے لیے نقصان دہ ہوسکتا ہے اور ان کے مختلف مضر اثرات بھی سامنے آسکتے ہیں۔
یہ بھی پڑھیں: کرسٹیانو رونالڈو کی پارٹنر جیورجینا روڈریگز سے شادی
دوسری جانب بھارتی کرکٹ میں کھلاڑیوں کی بڑھتی ہوئی انجریز بھی ٹیم مینجمنٹ کے لیے تشویش کا باعث بنی ہوئی ہیں۔
رپورٹس کے مطابق جسپریت بمرا، ہاردک پانڈیا اور نتیش ریڈی سمیت متعدد اہم کھلاڑی انجریز کا شکار ہوچکے ہیں۔
بھارتی میڈیا کا کہنا ہے کہ وزن کم کرنے والی ادویات کا استعمال صرف کرکٹرز تک محدود نہیں، بلکہ بالی ووڈ کی بعض شخصیات بھی ایسی ادویات استعمال کرتی ہیں۔
