مسقط(پاک ترک نیوز )ایشین کرکٹ کونسل انڈر 19 ایشیا کپ میں کل پاکستان اور بھارت کی ٹیمیں آمنے سامنے ہوں گی، روایتی حریفوں کے درمیان بڑا مقابلہ مسقط میں کھیلا جائے گا۔
پاکستانی ٹیم کے نوجوان بلے باز عثمان خان کی کارکردگی پر شائقین کی نظریں مرکوز ہیں، جنہوں نے متحدہ عرب امارات کے خلاف پہلے میچ میں شاندار سنچری اسکور کی تھی۔
عثمان خان کا کہنا ہے کہ ٹورنامنٹ میں بہترین کارکردگی دکھانے اور ٹیم کی کامیابی میں اہم کردار ادا کرنے کی کوشش کریں گے۔
واضح رہے کہ گزشتہ سیزن میں پاکستان نے فائنل میں بھارت کو 191 رنز سے شکست دے کر انڈر 19 ایشیا کپ کا ٹائٹل اپنے نام کیا تھا۔
