مظفر آباد ( پاک ترک نیوز) وزیراعظم آزادکشمیر نے احتجاجی مظاہرین کو دوبارہ مذاکرات کی دعوت دے دی ۔ فیصل ممتاز راٹھور کہتے ہیں احتجاج کرنےوالے ہمارے اپنے لوگ ہیں،انہیں غداریا ایجنٹ نہیں سمجھتا ، کالعدم تنظیم نے اپنے مطالبات کے لئے غلط حکمت عملی اختیار کی۔
ایک انٹرویو میں وزیراعظم آزادکشمیر نے کہا بارہ مہاجر نشستوں سےمتعلق بعض تحفظات مکمل طورپرغیرمنصفانہ نہیں، معاملے کا قابل قبول اورمتفقہ حل نکالا جانا چاہیے ،صبراور لچک سے مسئلہ حل ہو سکتا تھا مگر موقع ضائع کیا گیا ۔
وزیراعظم آزاد کشمیر نے کہاسکیورٹی اہلکاروں کی شہادت پر قوم کو جواب دینا ہو گا، کالعدم ایکشن کمیٹی احتجاجی قیادت جارحانہ رویہ ترک کرے۔ مذاکرات کی میز پر واپس آئے،الٹی میٹمز کے بجائے بات چیت ہی مسئلے کا حل ہے ۔ مذاکرات کا راستہ اپنایا جائے تو احتجاجی قیادت کو مکمل تحفظ دیا جائے گا۔
