اسلام آباد ( پاک ترک نیوز) پیپلز پارٹی نے آزاد کشمیر انتخابات کیلئے وسطی پنجاب سے کوآرڈینیشن کمیٹی تشکیل دے دی ،12 رکنی کوآرڈینیشن کمیٹی آزاد کشمیر انتخابات سے متعلق تنظیمی اور انتخابی امور کی نگرانی کرے گی۔کمیٹی پارٹی مرکزی قیادت اور انتخابی امیدواروں کے درمیان مؤثر رابطہ یقینی بنائے گی۔
نوٹیفکیشن کے مطابق کمیٹی آزاد کشمیر انتخابات 2026 مہاجرین حلقوں سے انتخابی سرگرمیوں کو مربوط انداز میں آگے بڑھائے گی،چوہدری اختر علی کی جانب سے وسطی پنجاب کوآرڈینیشن کمیٹی کے قیام کا باضابطہ نوٹیفکیشن جاری کر دیا گیا۔
کمیٹی میں عبدالرزاق سلیمی، چوہدری ارشد جٹ، چوہدری ضیا محی الدین، خالد شاہد ملک، ملک محمد علی،مرزا اکرام، اشر حیات، چوہدری اظہر، کاشف گجر، خواجہ کلیم، میاں سعود حسن ڈار، سمینہ پگا والا شامل ہیں۔
یہ بھی پڑھیں: پیپلز پارٹی کو آزاد کشمیر میں بڑا دھچکا
پاکستان پیپلز پارٹی نے آزاد کشمیر انتخابات کی تیاریوں کے لیے تنظیمی ڈھانچے کو مزید فعال بنانے کا عمل تیز کر دیا۔
