اسلام آباد(پاک ترک نیوز) مسلم لیگ ن اور پیپلزپارٹی کے درمیان قانون سازی کے معاملے پر جاری ڈیڈلاک ختم ہوگیا، دونوں جماعتوں نے مختلف اہم بلز کی منظوری کے لیے تعاون پر اتفاق کرلیا۔
ذرائع کے مطابق مسلم لیگ ن اور پیپلزپارٹی کے درمیان پارلیمانی کمیٹی برائے انتخابی اصلاحات کے قیام پر بھی اتفاق ہوگیا ہے۔
ذرائع کا کہنا ہے کہ انتخابی اصلاحات کمیٹی کی چیئرمین شپ پیپلزپارٹی کو دینے پر اتفاق ہوا ہے، جبکہ کمیٹی میں پارلیمان میں موجود تمام سیاسی جماعتوں کو نمائندگی دی جائے گی۔
ذرائع کے مطابق دونوں جماعتوں کے درمیان عالمی مالیاتی ادارے کی شرائط پر مبنی بلز سمیت مجموعی طور پر 30 مختلف بلز کی منظوری پر بھی اتفاق ہوگیا ہے۔
مسلم لیگ ن اور پیپلزپارٹی کے درمیان قانون سازی کے معاملے پر اختلافات کے باعث پیش رفت رک گئی تھی، تاہم مذاکرات کے بعد دونوں جماعتوں نے پارلیمانی امور آگے بڑھانے کے لیے تعاون پر اتفاق کیا ہے
ن لیگ اور پیپلزپارٹی میں قانون سازی پر ڈیڈلاک ختم، 30 بلز کی منظوری پر اتفاق
