امن پسندوں پر حملے قبول نہیں ،سیکریٹری جنرل اقوام متحدہ

نیویارک (پاک ترک نیوز )اقوامِ متحدہ کے سیکریٹری جنرل انتونیو گوتریس نے کہا کہ امن پسندوں پر حملے قابلِ قبول نہیں۔اقوام متحدہ کی عبوری فورس پر حملے کی مذمت کرتا ہوں۔
لبنان میں امن پسندوں کی شہادت کا یہ حالیہ ہفتوں میں تیسرا واقعہ ہے، یہ حملے بند ہونے چاہئیں۔ حملے میں 1 فرانسیسی امن پسند شہید جبکہ 3 زخمی ہوئے ہیں، فریقین جنگ بندی اور دشمنیوں کا خاتمہ کریں۔
فرانس کے صدر ایمانیوئل میکرون نے کہا جنوبی لبنان میں ہفتے کی صبح یونیفل پر مسلح گروپ نے گھات لگا کر فائرنگ کی۔۔بین الاقوامی فورس پر حملے میں ملوث افراد کو گرفتار کرنا لبنانی حکومت کی ذمے داری ہے۔