گلگت ( پاک ترک نیوز) گلگت بلتستان کے نو منتخب وزیراعلیٰ امجد حسین ایڈووکیٹ نے حلف اٹھا لیا ،گورنر مہدی شاہ نے نو منتخب وزیراعلیٰ سے حلف لیا ، تقریب میں چیئرمین پیپلز پارٹی بلاول بھٹو اور دیگر رہنماؤں نے شرکت کی۔
وزیراعلیٰ امجد حسین ایڈووکیٹ نے خطاب میں کہا انتخابات میں پیپلز پارٹی کوواضح کامیابی ملی،نوجوانوں نے الیکشن مہم میں بڑھ چڑھ کر حصہ لیا ،دیا مر میں پہلی بار پیپلز پارٹی کو بھاری مینڈیٹ ملا ۔عوام نے ہمیں بھاری ذمہ داری سونپی ،عوامی توقعات پر پورا اترنے کی کوشش کریں گے
یہ بھی پڑھیں: جرمنی کی سرکاری یونیورسٹی میں پہلی اسلامی خودمختار فیکلٹی قائم
وزیراعلیٰ امجد حسین ایڈووکیٹ نے کہا وفاق سے بجٹ لے کر مسائل حل کریں گے،ماؤں ،بہنوں کے لیے پروگرام لانچ کریں گے ۔بجٹ کی کمی پورے کیے بغیر عوام کے مسائل حل نہیں کر سکتے ، جمہوری اصولوں کی پاسداری کرنے پر وزیراعظم شہبازشریف اور نوازشریف کے شکر گزار ہیں
