لاہور( پاک ترک نیوز) وزیراعلی پنجاب مریم نوازشریف نے گلی،محلوں میں آلائشیں پھینکنے والوں کو 50ہزار روپے جرمانے کی منظوری دے دی۔
ممنوع مقامات پر باقیات اور آلائشیں پھینکنے کی روک تھام اور نگرانی کیلئے ویجلینس سکواڈ قائم کردیا گیا۔
وزیراعلیٰ پنجاب مریم نواز کی زیر صدارت ویڈیو لنک اجلاس ہوا ، اجلاس میںعید الاضحی پر صفائی کے فول پروف انتظامات کا پلان تیارکیا گیا۔ پنجاب بھر میں نمایاں 2687کمرشل مارکیٹوں کی صفائی کا خصوصی اہتمام کرنے کاحکم بھی دیا ۔
وزیراعلیٰ پنجاب نے کہا عیدالاضحی پر صفائی کے لئے ون گورنمنٹ یونٹ بن کر کام کرنا ہے – اعلی صفائی پر انعام اور ستائش اور شکایات پر سزا اور جزا کاعمل ہوگا ۔
صوبائی وزیر بلدیات ذیشان رفیق اور سیکرٹری بلدیات میاں شکیل احمد نے بریفنگ دیتے ہوئے کہا چاندرات کے آخری پہر،کمرشل مارکیٹوں، مرکزی شاہراہوں اور چوراہوں کی صفائی کی جائے گی – عیدالاضحی پر باقیات اور آلائشیں ڈالنے کے لئے ڈی گریڈ ایبل شاپنگ بیگ مہیا کئے جائیں گے – ستھرا پنجاب عملہ ڈور ٹو ڈور کولیکشن کرے گا – میونسپل کارپوریشن اور تحصیلوں میں 15،15 اور ہر یوسی میں 4 اضافی لوڈررکشے مہیا کئے جائیں گے۔
بریفنگ میں کہا گیا ستھرا پنجاب کی ٹیمیں عید سے پہلے،یوم عید الاضحی او رعید کے تیسرے روز تک متحرک ہوں گی ۔ستھرا پنجاب کی ٹیمیں صفائی سے متعلق عوامی آگاہی پیدا کرنے کے لئے رکشوں پر منادی کریں گی ،صوبہ بھر میں عید صفائی آپریشن میں 176000سینٹری ورکر اور 8ہزار سے زائد عارضی کارکن حصہ لیں گے ۔جانوروں کی باقیات اور آلائشوں کے لئے 3800پرائمری کولیکشن سنٹر قائم، 3100ڈمپنگ سائٹس مقررکر دیئے گئے۔صوبہ بھر میں باقیات اور آلائشوں کو تلف کرنے کے لئے7ہزار ڈمپنگ پوائنٹس بنائے جائیں گے ،ڈرین کی صفائی کے لئے ڈی واٹرمشینیں، جیٹر سیٹ اور سیک شن یونٹ کی دستیابی یقینی بنائی جائے گی ،ستھرا پنجاب عید آپریشن کے لئے صوبہ بھر میں 4500خصوصی کیمپ قائم کیے جائیں گے ،اجتماعی قربانی کیلئے 1200قربان گاہوں پر صفائی کے خصوصی انتظامات ہوں گے۔
گلی محلوں میں آلائشیں پھینکنے والوں کو 50ہزار روپے جرمانہ ،وزیراعلیٰ پنجاب نے منظوری دیدی
