واشنگٹن ( پاک ترک نیوز) ایران کے دس اہم رہنما امریکا کے نشانے پر آ گئے ،معلومات دینے والے کیلئے 10 ملین ڈالر انعام کر دیا گیا ،امریکا کو کس کس ایرانی رہنما سے خطرہ ہے ۔
مشرق وسطیٰ کی کشیدہ صورتحال میں بڑا امریکی اعلان سامنے آ گیا۔ ایرانی سپریم لیڈر مجتبیٰ خامنہ ای ، ایرانی وزیر انٹیلی جنس اسماعیل خطیب، نائب چیف آف اسٹاف علی اصغر حجازی، میجر جنرل یحییٰ رحیم صفوی، بریگیڈیئر جنرل اسکندر مومنی، سپریم کونسل کے سیکریٹری علی لاریجانی کے بارے میں اطلاع دینے والوں کے لیے بڑے انعام کا اعلان کیا گیا ،،امریکی محکمہ خارجہ کے پروگرام ریوارڈ فار جسٹس پروگرام کے تحت کیا گیا جس کے ذریعے امریکا دنیا بھر میں مطلوب افراد کے بارے میں معلومات حاصل کرتا ہے۔
امریکی حکام کے مطابق ایرانی رہنماؤں کے بارے میں اطلاع دینے والے کی شناخت مکمل طور پر خفیہ رکھی جائے گی۔واشنگٹن کا مؤقف ہے کہ ایران سے جڑے بعض نیٹ ورکس خطے میں امریکی مفادات اور اتحادی ممالک کیلئے خطرہ بن رہے ہیں، اسی لیے ان کے خلاف معلومات اکٹھی کی جا رہی ہیں۔
دوسری جانب تہران نے امریکی اقدام کو سختی سے مسترد کرتے ہوئے اسے سیاسی دباؤ اور پروپیگنڈا قرار دےا ۔ ایرانی حکام کا کہنا ہے کہ ایسے اقدامات سے خطے میں کشیدگی مزید بڑھ سکتی ہے۔
ماہرین کے مطابق یہ اعلان اس بات کا اشارہ ہے کہ امریکا ایران کے اثر و رسوخ کو محدود کرنے کیلئے نئی حکمت عملی اختیار کر رہا ہے، جبکہ مشرق وسطیٰ میں جاری تنازعات اس معاملے کو مزید حساس بنا رہے ہیں۔
تجزیہ کاروں کا کہنا ہے کہ اگر اس اعلان کے بعد واقعی اہم معلومات سامنے آتی ہیں تو یہ معاملہ نہ صرف ایران بلکہ پورے مشرق وسطیٰ کی سیاسی اور سیکیورٹی صورتحال پر گہرے اثرات ڈال سکتا ہے۔
