راولپنڈی (پاک ترک نیوز)سہ ملکی کرکٹ سیریز میں آج سری لنکا اور انگلینڈ کی ٹیمیں مدمقابل ہوں گی، مسلسل تین میچز میں ناکامی کا سامنا کرنے والی انگلش ٹیم سیریز میں ایک کامیابی حاصل کرنے کے لیے پُرعزم ہے۔
تاہم آج کے میچ کے نتیجے سے فائنل کی صورتِ حال پر کوئی فرق نہیں پڑے گا۔ پاکستان تین میچز جیت کر اور ایک میں شکست کھا کر فائنل میں جگہ بنا چکا ہے، جبکہ سری لنکا نے دو میچز میں کامیابی حاصل کی اور ایک میں اسے شکست ہوئی۔
یہ بھی پڑھیں: نیتن یاہو کے اقتدار کا سورج غروب ہونے کے قریب ،اپوزیشن کی حکومت کیلئے کوششیں تیز
سہ ملکی سیریز کا فائنل 31 اکتوبر کو پاکستان اور سری لنکا کے درمیان کھیلا جائے گا، جہاں دونوں ٹیمیں ٹائٹل کے حصول کے لیے میدان میں اتریں گی۔
