اسلام آباد ( پاک ترک نیوز) ادارہ شماریات کا کہناہے کہ جولائی میں ملکی تجارتی خسارہ 25.17 فیصد اضافے سے 3 ارب 94 کروڑ ڈالر تک پہنچ گیا۔
ادارہ شماریات کے مطابق جولائی میں ملکی برآمدات 9.4 فیصد اضافے کے ساتھ 2 ارب 93 کروڑ ڈالر ریکارڈ کیا گیا ۔
جولائی میں درآمدات 18 فیصد اضافے کے بعد 6 ارب 88 کروڑ ڈالر رہیں،جون کے مقابلے میں جولائی کے دوران برآمدات 31 فیصد اضافے سے 2.24 ارب ڈالر سے بڑھ کر 2.93 ارب ڈالر ہوگئیں۔
یہ بھی پڑھیں: بابراعظم کی دوبارہ کپتانی میں پہلی کامیابی ،دوسرا ٹیسٹ پاکستان کے نام،سیریز برابر
ادارہ شماریات کا کہنا ہے کہ جون کے مقابلے میں جولائی میں درآمدات معمولی کمی کے بعد 6 ارب 88 کروڑ ڈالر رہیں، ماہانہ بنیادوں پر جولائی میں تجارتی خسارہ 15.22 فیصد کمی کے ساتھ 3 ارب 94 کروڑ ڈالر ریکارڈ کیا گیا۔
